EXCENTRICAS: O Auto do Castromil

Con este proxecto Excéntricas gaña o III concurso de proxectos que convoca a fundación Manuel Maria e que recibe o apoio de mais de corenta concellos e institucións de Galiza. O espectáculo é protagonizado por un luxoso elenco: Rocio González, Victor Mosqueira, Marcos Orsi e Patricia Vázquez, que xa teñen conformado compañía en anteriores proxectos de Excéntricas.

A obra acontece nunha viaxe onírica abordo dun coche de liña. Os viaxeiros dormen e talvez o conductor. As maletas e demais bagaxes amotínanse, cobran vida e repasan unha curiosa historia de Galiza, combaten a nosa amnesia conxénita usando autos populares e farsas do autor chairego. Nelas aparece a historia alucinada dun pobo que loita, é derrotado, volve levantar a cabeza e rebelarse de novo. Unha rebelión na que, ás veces, non temos mais armas que o humor e o espirito antroidesco.

O auto do Castromil é unha viaxe en transporte público pola Galiza inconsciente.

Está feita com anacos das obras de Manuel María “A rebelión dos baús” “O Auto dos semulados da Caravilla”, Unha vez foi o trebón”, “Abril de Lume e Ferro” e o “Entremés da OTAN”.

O Auto do Castromil é un espectáculo de Excéntricas en coprodución co Centro Dramático Galego.

Espectáculo gañador de dous Premios de Teatro María Casares: Mellor Dirección (Quico Cadaval) e Mellor Vestiario (Carlos Alonso) e finalista en 3 categorías máis: Mellor Espectáculo, Mellor Actor Protagonista (Víctor Mosqueira) e Mellor Espazo Sonoro (Piti Sanz).

Espectáculo candidato aos Premios Max en dúas categorías: Mellor Espectáculo e Mellor Iluminación (Octavio Mas)

ELENCO
Rocío González
Victor Mosqueira
Marcos Orsi
Patricia Vázquez

ESCENOGRAFIA E INDUMENTARIA
Carlos Alonso

ILUMINACIÓN
Octavio Mas

ESPAZO SONORO
Piti Sanz

ATREZZO
Kukas Producións Artísticas

NOTICIARIO CINEMATOGRÁFICO
Marcos PTT Carballido

DESEÑO GRÁFICO
Javier de la Rosa – Milicia Gráfica

FOTOGRAFÍA
Sabela Eiriz

PRODUCIÓN
Rubén G. Pedrero

AXUDANTE DE DIRECCIÓN
Mon Serodio

DIRECCIÓN E DRAMATRUXIA
Quico Cadaval

DURACIÓN
70 minutos